Serbia i bllokon kufirin Kosovës, Rama i shkruan Vuçiçit: Hiq barrierën

Mbyllja e kufijve të Serbisë, ka bllokuar një pjesë të eksporteve të Kosovës që kalojnë pikërisht nga territori i fqinjëve. Për këtë problem, kryeministri Edi Rama i ka shkruar Presidentit të Serbisë, Aleksandër Vuçiç, duke i kërkuar që të tregojnë një shembull solidariteti.

“Prej 24h kamionët me mallra nga Kosova janë bllokuar në kufirin e Serbisë! Linja e Gjelbërt në rajon s’mund t’i nënshtrohet rregullave të çdo vendi, po veç një rregulli të thjeshtë: Këtë luftë që duhet ta fitojmë së bashku duke ndihmuar njëri-tjetrin jo armikun e pakufi”, shprehet z. Rama.

@avucic samo uz #solidarnost bez granica i saosecanje sa ljudima mozemo pobediti zajednickog neprijatelja. G. predsednice molim vas da ukinete barijere pred kamionima sa Kosova. Hajde da zajedno nas komsiluk bude primer toliko potrebne solidarnosti, da pobedimo u ovom ratu

— Edi Rama (@ediramaal) March 31, 2020

“Vetëm me solidaritet, pa kufij dhe me keqardhje për njerëzit, mund ta mundim armikun e përbashkët. z. Presidenti, a mundet të lutem që të heqësh barrierën ndaj kamionëve nga Kosova”, ka shtuar më tej kryeministri duke shkruar në serbisht.