Berisha do e ketë të vështirë të marrë kontrollin e PD-së, thotë Erla Mëhilli

Sali Berisha deklaroi sot për Euronews Albania se do të bashkëpunojë me të gjithë demokratët për “ta ngritur partinë në piedestalin që meriton”.

Mirëpo për Erla Mëhillin z. Berisha nuk e ketë të lehtë të marrë kontrollin brenda PD-së, pasi ekipi aktual i Lulzim Bashës është ekipi që ka krijuar vetë ai dhe si pasojë mbështesin kryetarin aktual të PD-së.

“Nuk janë të shumtë ata që e kanë kundërshtuar vendimin e Lulzim Bashës”, u shpreh znj. Mëhilli, moderatore e emisionit “Now” në Euronews Albania.

Erla Mëhilli tha se synimi i ish-kryeministrit Berisha nuk është të vendoset sërish në krye të PD-së, por ta kthejë PD-në stadin që vendimet të merren me legjitimitet, në bazë të statutit të partisë.

Sipas znj. Mëhilli, vendimi për përjashtimin e z. Berisha nga grupi parlamentar i PD-së duhej marrë nga i gjithë grupi parlamentar dhe strukturat e partisë, e jo vetëm nga kryetari i partisë.

Ajo tha se pas hapave që do të ndërmarrë z. Berisha, mund të ketë një lëvizje për të larguar Lulzim Bashën nga kryetar partie.

“Kjo mund të bëhet nëpërmjet Kuvendit, thirret Kuvendi dhe kërkohen vota prë përjashtimin e Kuvendit”, u shpreh Erla Mëhilli.

LEXONI GJITHASHTU:

• Berisha për Euronews Albania: Aksioni do vazhdojë, me Lulin s’ka fitore, vetëm pazare
• “Rama mund të blejë Bashën, por jo PD-në”, Berisha pritet me ovacione para Kuvendit
• Basha shoqërohet me thirrje pro Berishës: Armiku i vetëm, Edi Rama