Gazetari Taulant Koplikaj publikon dokumentarin për luftën në Siri

Gazetari Taulant Koplikaj ka shfaqur për publikun e gjerë dokumentarin e tij me titull “DAESH, Mbretëria e së keqes”, ku tregon krijimin dhe rënien e shtetit islamik në Siri.

Në boshtin e dokumentarit të tij qëndrojnë shqiptarët, ku një numër jo i vogël u bënë pjesë me vullnet ose jo të luftës në vendin e Lindjes së Mesme.

Tualant Koplikaj rrëfen me detaje histori të rekrutimit të shqiptarëve duke bërë që viktima të bien gra dhe fëmijë.

Përmes dëshmive dhe intervistave të siguruara nga kampet e Sirisë, gazetari sjell një realitet gati të paimagjinueshëm.

Në dokumentarin 60 minuta, Koplikaj sjell dhe rrëfimin e një shqiptari nga Kosova që mbahet në burgjet e Sirisë pasi akuzohet si luftëtar i ISIS.

Koplikaj është një nga gazetarët shqiptarë që e ka ndjekur nga afër luftën në Siri, ku disa herë është rikthyer në kampet siriane të Roj dhe Al Hol.

Informacionet e siguruara prej tij kanë luajtur një rol të madh dhe në sensibilizimin e autoriteteve shqiptare për riatdhesimin e grave dhe fëmijëve shqiptarë.