A do e lirojë Berisha zyrën në PD pas vendimit të gjykatës? Flet deputeti demokrat

Deputeti demokrat, Oerd Bylykbashi thotë se organet e PD-së do të marrin vendimet e duhura pas vendimit të Gjykatës së Apelit, vendosi që çështja për vulën të kalojë për rigjykim në Shkallën e Parë.

Në një deklaratë për mediat, Bylykbashi tha se vendimi i gjykatës ka shënuar një ditë të zezë për pluralizmin dhe demokracinë shqiptare.

“Unë bëra komentin në lidhje me këtë vendim. Çdo hap tjetër do të merret nga instancat, organet kolegjiale të zgjedhura të PD-së, jo ato që ka emëruar kryeministri, që nuk përfaqësojnë PD-në, por përfaqësojnë një logo që e ka përzgjedhur Edi Rama. Do të marrin vendim organet e PD-së.

Populli opozitar ishte sot në shesh. Vendimet e PD-së do t’i marrin organet e saj. Ky ishte një vendim që ka shënuar një ditë të zezë për pluralizmin dhe demokracinë shqiptare”, theksoi ai.