A do mund t’a përdor BE Telegram-in, ja vendimi i Komisionit Europian

Komisioni Evropian ka njoftuar së fundmi se nuk do t’i kufizoj  zyrtarët e tij  të përdorin aplikacionin e Telegram.

E vetmja platformë që është e ndaluar nga pajisjet e koorporatave është TikTok.

Franca arrestoi CEO-n e  aplikacionit Pavel Durov të shtunën e kaluar si pjesë e një hetimi ndaj Telegram për mos frenimin e veprave të tilla si mashtrimi, trafiku i drogës, krimi i organizuar dhe promovimi i terrorizmit.

Presidenti i vendit Emmanuel Macron thanë fillim të kësaj jave (26 gusht) se arrestimi nuk ishte politik dhe se Franca është e përkushtuar ndaj lirisë së shprehjes dhe komunikimit.

Moska ka akuzuar Francën për standarde të dyfishta mbi lirinë e fjalës dhe pyetje të shumta janë ngritur në lidhje me arsyet dhe rrethanat e arrestimit të tij.

Aplikacioni i Telegram  i themeluar në vitin 2013 me seli në Dubai, përdoret gjerësisht nga politikanët, duke përfshirë edhe vetë Macron.

Ndër vendet që vendosën kufizime janë Zvicra, ku ushtria është e ndaluar ta përdorë atë, dhe Holanda, ku zyrtarët publikë të administratës së qytetit të Amsterdamit nuk mund ta përdorin  për shkak të përhapjes së dezinformatave, kërcënimeve kibernetike dhe rritjes së trafikut të drogës.

LEXONI GJITHASHTU:

• WSJ: Macron i kërkoi Durovit të zhvendoste selinë e Telegram në Paris 
• Arrestimi i bosit të ‘Telegram’, francezët ngrenë akuzat; Moska: Akt politik