A do rrëzohet Vladimir Putini? Eksperti: Ç’do ndodhë në Rusi pas vdekjes së Navalnyt

Eksperti i sigurisë Dritan Hoti ishte këtë të martë i ftuar në një intervistë për Euronews Albania ku tha se ende është shpejt për të folur për një rrëzim të mundshëm të presidentit rus Vladimir Putin.

Ai tha se pa diskutim vdekja e kritikut të Kremlinint, Aleksei Navalni ka nxitur disa reagime dhe nacionalizmin në popullin rus, por është ende herët për të thënë se kjo situatë  do të kthehet si një bumerang kundër vetë Putinit.

“Rusia ka kaluar disa trajta nacionalizmi dhe një luftë të ashpër pa rregulla. Putini është një nga elementët më të formuar të KKB-së dhe është ideologjizuar gjatë bashkimit sovjetik, por edhe me pikëpamje të nacionalizmit rus. Do jetë shumë e vështirë për ta rrëzuar, pasi duhet të ndërgjegjësohet shoqëria ruse dhe të iniciojë një lëvizje të brendshme demokratike.

Po të shikojmë vdekjen e Navalnyt dhe deklaratat e tij të ditëve të fundit, ai luftën në Ukrainë e ka quajtur luftë jetë a vdekje, i bën thirrje asaj që quhet nivelit të mbijetesës së  shpirtit rus, nacionalizmit rus. Në këto premisa do ketë reagime dhe ndërgjegjësime të pjesshme. Por nuk ka ardhur momentni për më shumë”,-tha Dritan Hoti.

LEXONI GJITHASHTU:

• Dritan Hoti: Marrëdhëniet SHBA-Rusi ndodhen në pikën më të ulët
• Takimi Mitsotakis-Vuçiç/ Eksperti: Partneritet i vjetër, Turqia e ka dobësuar…