A do shkojë uji i Syrit të Kaltër në Greqi? Ministria e Turizmit përgënjeshtron

Ministria e Turizmit dhe Mjedisit ka përgënjeshtruar disa lajme të përhapura në media të ndryshme mbi një propozim/memorandum teknik të supozuar të furnizimit me ujë me transferim burimi nga Syri i Kaltër drejt Korfuzit.

Përmes një reagimi në rrjetet sociale Ministria e Mjedisit dhe Turizmit shprehet se nuk ka asnjë marrëveshje të tillë dhe as nuk ka pasur diskutime për një projekt të ngjashëm sipas lajmit të përhapur nga mediat.

“Pretendimet e ngritura janë të pavërteta. Syri i Kaltër është një pasuri natyrore e Shqipërisë, i cili me vendimet e muajit janar 2022 ka marrë një status më të lartë mbrojtjeje, atë të Parkut Natyror me një sipërfaqe të rritur në 293 hektarë, për të mbrojtur më mirë Monumentin e Natyrës me të njëjtin emër, që mban brenda parkut”, thuhet në reagim.

LEXONI GJITHASHTU:

• Jo më taksë progresive, të vetëpunësuarit do tatohen 15% nga 1 janari 2023
• 100 mln euro kredi, BERZH financon zhvillimin e turizmit dhe agrobiznesit