A do ta njohë Greqia Kosovën?

Drejtori i TV Tribuna në Athinë, Robert Goro, u shpreh se Greqia de fakto e ka njohur Kosovën, por de juro akoma dhe shkak për këtë është bërë Qiproja Veriore.

Në një intervistë për Euronews Albania, Goro, theksoi se Greqia e ka përkrahur Kosovën në liberalizimin e vizave por edhe në anëtarësimin e një sërë organizmash ndërkombëtarë.

“Greqia nuk e ka përkrahur Kosovën vetëm në liberalizimin e vizave por dhe në anëtarësimin në një sërë organizmash ndërkombëtarë. Greqia nuk e njeh Kosovën për shkak të Qipros Veriore, nuk është se ka diçka tjetër. Disa herë ministrat e jashtëm të Greqisë kanë shkuar në Kosovë, Kurti është takuar me kryeministrin grek e madje këto muajt e fundit kanë ardhur ministrat nga Kosova dhe janë takuar me homologët e tyre këtu në Greqi, ndërkohë që më parë takoheshin me zv.ministra. Pavarësisht se Greqia nuk e njeh Kosovën de Jure, de fakto Greqia e ka njohur Kosovën”- u shpreh ai.

LEXONI GJITHASHTU: 

• Franca e mbërthyer nga grevat, paralajmërimi i qeverisë: Do të ndërhyjmë me forcë
• BE në telashe, ‘Norvegjia po përfiton në mënyrë të turpshme nga lufta në Ukrainë’