A do të jetë vaksina e detyrueshme në vendet e Bashkimit Europian?

Vetëm një e treta e francezëve kanë thënë se do të vaksinohen kundër COVID-19, sipas një sondazhi të Euronews kryer gjatë tetorit. 63 për qind e britanikëve kanë pohuar se do të vaksinohen, si dhe 57 për qind e gjermanëve dhe 55 për qind e italianëve.

Nga ana tjetër, 40 për qind e spanjollëve kanë thënë se “nuk do të preferonin të vaksinoheshin me asnjë prej vaksinave të miratuara”, sipas një tjetër sondazhi nga Qendra për Hulumtime Shoqërore në Spanjë.

Këto rezultate sjellin një dilemë të re për qeverinë: duke qenë se efikasiteti i vaksinës arrihet nëse një përqindje e madhe e popullit e merr atë, çfarë ndodh nëse një numër i madh i popullsisë refuzon?

A ka mënyra për të detyruar qytetarët që të vaksinohen?

Miquel Morales Sabalete, partner i një firmë ligjore që trajtojnë çështje civile, tha për Euronews se ka shumë të ngjarë që kjo të ndodhë në Spanjë, edhe pse trajtimi mjekësor i detyrueshëm mund të cenojë të drejtat themelore të Kushtetutës së vendit. Por nëse autoritet mjekësore thonë se pandemia e justifikon këtë “atëherë nuk do të kishte pengesa ligjore për nisjen e një fushate vaksinimi”.

Italia ende nuk ka vendosur nëse do ta bëj vaksinimin të detyrueshëm me ligj. “Nuk ka direktiva që ta bëjmë vaksinën të detyrueshme, por mbetet e rekomandueshme”, ka thënë kryeministri Giuseppe Conte.

Në Francë, presidenti Emmanuel Macron ka qenë i vendosur kundër bërjes së vaksinës të detyrueshme.

“Imunizimi duhet të bëhet në një mënyrë të qartë dhe transparenti duke ndarë të gjitha informacionet hap pas hapi – çfarë dimë e çfarë nuk dimë. Gjithashtu, dua të jem i qartë. Vaksina nuk do të jetë e detyrueshme”.

Kancelarja gjermane, Angela Merkel, shtë shprehur se “Asnjë nuk do të jetë i detyruar që të bëjë vaksinën, do të jetë një zgjedhje vullnetare. ”

Kryeministri britanik Boris Johnson ka thënë edhe pse “do të inkurajonte popullin” të vaksinohej, “ajo nuk do të jetë e detyrueshme. Kjo nuk është mënyra sesi i bëjmë gjërat në vendin tonë”.

Lexoni gjithashtu

• Testimi masiv në Austri, pjesëmarrje e ulët, aplikohet në një të tretën e popullsisë
• Situata e COVID-19 në Evropë, disa shtete vuajnë prirjen rritëse ndërsa vaksina jep shpresë në Britani
• Vaksina anti-COVID, zv.ministri i Shëndetësisë në RMV: Do të vaksionen rreth 400 mijë qytetarë