Kreu i Emergjencave Kombëtare, Skënder Brataj është një prej zyrtarëve të lartë të vijës së parë të përballjes me COVID-19, që rezultoi i infektuar nga virusi.
Z. Brataj prej disa ditësh ndodhet i izoluar në kushtet e shtëpisë pasi nga testimi i kryer rezultoi pozitiv.
Kreu i Emergjencave Kombëtare është pjesë e Task-Forcës dhe për këtë arsye kishte dyshime se mund të ishin infektuar dhe persona të tjerë që menaxhonin masat kundër COVID-19.
Vetë ministrja e Shëndetësisë, Ogerta Manastirliu duke folur për Euronews Albania, tha se nuk e ka kryer testin për shkak se deri tani nuk ka pasur asnjë simptomë.
“Unë personalisht ndjek udhëzimet e mjekëve, nëse do të kishte shenja dhe simptoma patjetër që do ta kisha bërë, por nuk kam asnjë simptomë. Mua nuk më lejohet të sëmurëm”, deklaroi ministrja.
