Në 15-vjetorin e pavarësisë së Kosovës në studion e Eurnews Albania u diskutua rasti i vdekjes së Astrit Deharit.

Dehari ishte një aktivist i Vetëvendosjes, i cili ndërroi jetë në rrethana të paqarta në paraburgim, pasi ishte ndaluar gjatë një proteste të dhunshme të LVV-së në vitin 2016.

Në një lidhjeje të drejtpërdrejtë me Euronews, miku i afërt i tij, Frashër Krasniqi  thotë se zhdukja e mostrave të Astrit Deharit, prova që mund të çonteve në zbardhjen e ngjarjes, i ka shërbyer Lëvizjes Vetëvendosje.

Ai tha se nuk mund ta pohojë me siguri nëse LVV ka përgjegjësi në zhdukjen e këtyre mostrave.

“Nën pushtetin e Vetëvendosjes janë zhdukur mostrat e rastit Dehari

Nuk e di nëse këto mostra kanë pasur një rëndësi jetike për zbardhjen e rastit të tij, sepse rezultatet e këtyre mostrave ndoshta kanë qenë jo relevante në hetime.

Por zhdukjen e mostrave edhe nëse nuk e ka bërë vetë Vetëvendosja i ka shërbyer asaj që sot sa është në qeveri dhe ne nuk mudn të sjellim drejtësi pasi janë kontaminuar hetimet dhe janë zhdukur mostrat.

Dhe në këtë mënyrë ata justifikojnë veten për rastin e Astrit për mossjelljen e drejtësisë. Sa herë i pyetin pse nuk është vendosur drejtësia, ata thonë që janë zhdukur mostrat të cilat ishin në dorën e tyre”, tha ai.