A mund ta përballojë jetën i vetëm një person me autizëm?

Tarkan Bashllari, i cili ka çrregullime të spektrit autik tregoi se procedurat në shtet janë të vështira për t’u kryer nga ai i vetëm.

Ai u shpreh në “SOT” në Euronews Albania se për të marrë shërbime, në raste të caktuara duhet ta shoqërojnë.

Tarkani tregoi shqetësimin për ndihmën ekonomike që nuk del as për terapi por me rritjen e çmimeve nuk mjafton as për ushqime.

“Mu desh ta ndërprisja terapinë në mes sepse gjyshja ime u kthye ne Shqipëri për të marrë një dokument që e kërkonte shteti turk në mënyrë që ne si familje të bënim letrat, por nuk e di për çfarë arsye shteti ynë i vuri një farë ekspulsi që 5 vjet të mos shkelte në territorin turk dhe si rrjedhojë dokumenti nuk u soll në Stamboll dhe nuk mund të bëheshin letrat,” – rrëfeu Tarkani ndërsa tregoi se kjo ka qenë dhe pengesa që ai të mos futej në shkollë.

Për këtë arsye familja e tij erdhi në Shqipëri. Në momentin e kthimit kërkuan qendra trajtimi për fëmijët me probleme të spektrit autik, por Ministria e Shëndetësisë asokohe thoshte se nuk kishte asnjë.

Ndërsa sot, Tarkani thotë se situata është më e mirë, por më mirë në krahasim me të shkuarën, jo me projeksionin e të ardhmes.

LEXONI GJITHASHTU:

• Merr zgjidhje problemi i fëmijës autik, Erioni nis terapinë