Kryeministri Edi Rama deklaroi se nuk merret me polemika, duke iu referuar akuzave të Sali Berishës, i cili e akuzon se ka ndikuar në vendimin e Gjykatës së Apelit për logon e Partisë Demokratike.

Në një prononcim të shkurtër për gazetarët pas mbledhjes së Kryesisë së Partisë Socialiste, Rama u shpreh se nuk merret me këtë çështje.

“Shiko, unë e kam thënë dhe e përsëris, nuk merrem. Nuk kam asnjë disponim të merrem me polemika të politikës së “gërr gërrit” të përditëshëm. Nëse kemi kohë në dispozicion dhe energjitë nuk na mkungojnë, le t’i vëmë në shërbim të temave që janë tema me vlera dhe me rëndësi”, theksoi ai.