Abdixhiku: Çdo situatë që krijohet pa koordinimin e aleatëve, përgjegjësi e Kurtit

Kreu i Lidhjes Demokratike të Kosovës Lumir Abdixhiku, është shprehur se do të bëjnë përpjekje që betejën e tyre përballë Serbisë të mos e kthejnë në çështje të brendshme politike të Kosovës.

Në një deklaratë për mediat pas takimit me kryeministrin Albin Kurti, ai theksoi se çdo situatë e re që krijohet në Kosovës pa koordinimin e aleatëve të SHBA dhe BE është përgjegjësi e kreut të qeverisë Albin Kurti.

“Do bëjmë përpjekje që betejën tonë përballë Serbisë të mos e shndërrojmë në çështje të brendshme politike të Kosovës. Duhet të jemi unikë sa i përket Serbisë.  Ne duhet të jemi unikë përsa i përket spektrit politik por të jemi në unitet të plotë me unitet të plotë me aleatët ndërkombëtarë. Çdo pasojë tjetër është përgjegjësi e Kurtit. Çdo situatë e re që prodhohet pa koordinim të aleatëve do të jetë përgjegjësi e Kurtit, por pasojat do të jenë të mëdha”- tha ai.

LEXONI GJITHASHTU: 

• Abdixhiku: Kërkojmë koordinim me aleatët tonë për të stabilizuar situatën në vend
• Ministri serb i Mbrojtjes: KFOR-i të mos lejojë policinë shqiptare në veri