“Absurde”, gazetari ‘godet’ Alibeajn: Iu ngjall oreksi, po lini logon e PD në sirtar

Gazetari Reldar Deda ka komentuar situatën brenda PD-së.

I ftuar në emisionin “Now” në Euronews Albania, ai e konsideroi absurd faktin që në disa qarqe PD nuk ka kandidat për kryetar bashkie.

Më tej gazetari nënvizoi se gjithë problemi në PD qëndron te pamundësia për t’u përfaqësuar në zgjedhjet e 14 majit.

“Është absurde që logoja e PD-së në disa qarqe të vendit nuk ka kandidat. Problemi qëndron te pamundësia për t’u përfaqësuar në zgjedhje. Kjo për shkak të frakturës që ka krijuar Berisha dhe për shkak të frakturës që po krijohet brenda PD zyrtare, për shkak të ngjalljes së orekseve të dy tre personazheve. Po lënë logon e PD-së në sirtar. Ne nuk duhet të kërkojmë bashkimin në bazë të hipokrizisë”- tha Reldar Deda.

LEXONI GJITHASHTU: 

• A do rikthejë Alibeaj 1 mln euro që mori nga KQZ? Ledio Braho skanon situatën
• Karabina: Ne bëjmë luftë ndaj Ramës, Berisha po bën kundër nesh