Adnan Xholi: Duhen hetime konkrete, të luftojmë krimin e organizuar dhe korrupsionin

Një nga kandidatët për kreun e SPAK, Adnan Xholi u shpreh para KLP-së se nuk ka konflikte me asnjë nga anëtarë të KLP-së.

Teksa shpalosi platformën, ai tha se duhen hetime konkrete dhe duhet të luftohet krimi i organizuar dhe korrupsioni.

“Jam një nga kandidatët që ka shprehur vullnetin për të drejtuar Prokurorinë e Posaçme, duke menduar se do të plotësoj kriteret e KLP-së me bindjen se kam aftësitë e duhura profesionale dhe menaxhuese për të drejtuar këtë strukturë. Kjo prokurori është bërë efektive edhe falë punës tuaj të palodhur dhe ndihmesës që kanë dhënë partnerët tanë ndërkombëtarë.

Trupa e prokurorëve të SPAK është trupa më profesionale dhe jam krenar që punoj me ta. Duhet të luftojmë kundër krimit të organizuar dhe korrupsionin tek zyrtarët e lartë. Duhen hetime konkrete. Karriera ime ka vijuar dhe ka pasur një ngritje të vazhdueshme.

Nuk kam konflikte interesi me asnjë nga anëtarët e Këshillit të Lartë të Prokurorisë”, u shpreh ai.

LEXONI GJITHASHTU:

• Salih Mustafa dënohet me 26 vjet burg për krime lufte
• Arrestohet një 46-vjeçar i shpallur në kërkim
• Arrestohet një ish-polic serb në veri, dyshohet për krime lufte