Aeronautika mbyll garat për 2023, 40 pjesëmarrës nga Ballkani fluturojnë në Korçë

Federata Shqiptare e Aeronatuikës ka mbyllur për këtë vit kalendarin e fluturimeve, kalendar i cili pothuajse në gjithë garat ka përfshirë edhe garues të huaj.

Gara e fundit është zhvilluar në periferi të qytetit të Korçës, garë e cila ka qenë e preçizionit në zbritje.

Alket Islami, president i federatës shqiptare por dhe ai i Kosovës Avni Kuçi tregojnë se edhe gara e fundit ka përfshirë pilotë nga disa vende të Ballkanit, të cilët kanë treguar preçizion të lartë jo vetëm në zbritje por edhe gjatë fluturimit.

“Gara e preçizionit bëhet në verë e dimër, ne kemi zgjedhur ta bëjmë në dimër gjithmonë meqë dhe temperaturat janë më konstante për ulje. Adrenalina është më e madhe në Moravë, për fat Korça ka kodrat përballë qytetit në Maliq po bëjmë eventin. Janë 40 pjesëmarrës nga Ballkani është nga të fundit gara botërore, e bëjmë në këtë kohë që Shqipëria bën gara në çdo kohë, bëjmë gara e ne dhjetor e kudo”-tha Alket Islami president i federatës shqiptare të Aeronatuikës”-tha ai.

“Me thënë të drejtën kemi pasur reshje dhe nuk e bëmë garën në ditën e caktuar. Sot dite e mire me erë të mirë kushtet e lejojnë garën. Janë të caktuara në bazë të erës sa lejohet të fluturosh, që të quhet garë “- shtoi Avni Kuçi president i federatës Kosovës të Aeronatuikës.

Për rumunen Helena Adamescu është hera e parë që vjen në Korçë, por është ndjerë sikur është në shtëpinë e saj, edhe për faktin se Korça ngjason shumë me Brasov, qytet ku ajo jeton

“Për mua është hera e parë që vij në Korçë. Vij nga Rumania, kam qenë me pare në Vlorë. Me pëlqen Shqipëria këtu bëhen gara shumë të mira. Me pëlqen qyteti sepse duket pak a shumë si qyteti im ku kam lindur në Brasov të Rumanisë. Do rikthehem përsëri”- shtoi Helena Adamescu.

Në garën e fundit të Korçës morën pjesë 40 garues, pjesa më e madhe nga Shqipëria dhe Kosova.

LEXONI GJITHASHTU: 

• Spahiu: Foltorja do shkrihet në 2025 dhe do i bashohen PD së Lulzim Bashës
• Vrasja në burgun e Peqinit, Prokuroria kërkon burg për Sokol Mjacaj dhe 12 zyrtarët