Aeroporti i Stambollit shpallet më i ngarkuari në Evropë

Sipas të dhënave nga Organizata Evropiane për Sigurinë e Navigimit Ajror (EUROCONTROL), Aeroporti i Stambollit ishte më i ngarkuari midis aeroporteve në Evropë në periudhën nga 21 deri më 27 prill.

Aeroporti i Stambollit u rendit i pari ndër aeroportet më të ngarkuara në Evropë me një mesatare prej 1,482 fluturimesh ditore në këtë periudhë, sipas Raportit të Rishikimit të Aviacionit Evropian, të publikuar dje, raportoi Anadolia.

Numri i fluturimeve në Aeroportin e Stambollit u rrit me katër për qind krahasuar me një vit më parë dhe me 24 për qind krahasuar me të njëjtën periudhë të vitit 2019.

Aeroporti i Stambollit pasohet nga Amsterdam Schiphol me 1,419 fluturime ditore, Londër Heathroë me 1,357 fluturime, Paris – Charles De Gaulle me 1,344 fluturime dhe Frankfurti me 1,314 fluturime.

Më 17 prill, Aeroporti i Stambollit, i cili ishte aeroporti i dytë më i ngarkuar në Evropë vitin e kaluar, filloi operacionet e njëkohshme në tre pista.

Me këtë infrastrukturë, ai u bë i pari në Evropë me tri pista dhe i dyti në botë, pas SHBA-së.

Në vitin 2024, Aeroporti i Stambollit shërbeu rreth 80 milionë pasagjerë, duke e bërë atë aeroportin më të madh dhe të dytë më të ngarkuar në Evropë, sipas Drejtorisë së Përgjithshme të Aeroporteve Shtetërore (DHMI).

Vitin e kaluar, ai u bë gjithashtu qendra më e ngarkuar e ngarkesave ajrore në Evropë, sipas raportit vjetor të trafikut të vitit 2024 të Këshillit Ndërkombëtar të Aeroporteve (ACI) Evropë.

LEXONI GJITHASHTU:

• Turqia burgos disa zyrtarë të Stambollit
• Erdogan dhe Ceferin inagurojnë hapjen e zyrës së UEFA-s në Stamboll