Kreu i Partisë së Lirisë, Ilir Meta zhvilloi të enjten një takim me strukturat e partisë në Tiranë për zgjedhjet e ardhshme vendore.

Meta komentoi dhe çështjen e lobimit me para ruse nga Partia Demokratike. Sipas tij, me këtë aferë opozita e Lulzim Bashës u mbajt peng nga qeveria.

“Nuk është thjesht problemi i parave ishin ruse nuk ishin ruse atë ta zgjidhin amerikanët dhe ta sqarojë dhe PD që është cenuar padrejtësisht nga një veprim i tillë se është një parti properëndimore dhe kombëtare. Problemi është se u përdor kjo aferë për të krijuar modelin rus të qeverisë dhe kapjes së shtetit siç është sot, modeli i Edi Ramës. U përdor një aferë që të bojkotonte opozita reformën në drejtësi, që ta kapte Rama. U përdor një aferë për të provokuar opozitën për t’ia lënë parlamentin dhe institucionet e pavarura Edi Ramës”, deklaroi Meta.