Agjenda e Steinmeier| Presidenti gjerman sot në Shqipëri

1 Dhjetor 2022 | 09:10

Për herë të parë në 27 vitet e fundit, një president gjerman do të vizitojë Shqipërinë.

Frank-Walter Steinmeier do të mbërrijë në Shqipëri sot, më 1 dhjetor, dhe do të qëndrojë për të zhvilluar një vizitë dy ditore.

Sipas agjendës së publikuar nga presidenca gjermane, në orën 10:00 Steinmeier do të pritet në presidencë nga kreu i shtetit shqiptar, Bajram Begaj. Më pas, për rreth 30 minuta, dy presidentët do të kenë një dalje për mediat.

Në orën 11:30, presidenti gjerman do t’i drejtohet seancës plenare, ku do të mbajë një fjalë përshëndetëse.

Më pas, presidenti federal i Gjermanisë pritet të zhvillojë një takim me kryeministrin Rama.

Në agjendë, Frank-Walter Steinmeier ka të planifikuar edhe një takim me nxënës nga Shqipëria dhe vendet e tjera të Ballkanit Perëndimor, në një diskutim mbi ballafaqimin me të kaluarën komuniste dhe një vizitë në një kompani gjermane.

Gjatë qëndrimit dy ditor në Shqipëri, Steinmeier do të zhvillojë një vizitë në Berat dhe një vizitë në Muzeun e Sigurimit “Shtëpia me Gjethe”.

Vizita e presidentit Gjerman Steinmeier vjen vetëm 5 ditë para samitit BE-Ballkani Perëndimor, që për herë të parë do të zhvillohet në Tiranë. Gjithashtu, vizita vjen edhe si pjesë e një turi 4-ditor që Steinmeier zhvillon në Shqipëri dhe Maqedoninë e Veriut, dy vende që këtë vit nisën bisedimet për anëtarësim në Bashkimin Europian.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Fermerët e kastravecit në Elbasan, diferenca mes fermës dhe tregut rrit pakënaqësinë e prodhuesve

20 lekë të vjetra për kilogram. Ky është çmimi me të cilin fermerët e zonës së Muriqanit po shesin kastravecin, ndonëse në tregjet e vendit...
21:50 | 24/06/2026

Ali Ahmeti për protestën në Tiranë: Shqipëria po merr goditje të forta në turizëm dhe ekonomi

Kryetari i Bashkimit Demokratik për Integrim, Ali Ahmeti, ka reaguar lidhur me protestën që po zhvillohet prej 25 ditësh në Tiranë, duke shprehur shqetësimin e...
21:39 | 24/06/2026

E rëndë në Kavajë, u godit me thikë nga vëllai, humb jetën një person

Një ngjarje e rëndë ka ndodhur mbrëmjen e kësaj të mërkure në Kavajë, ku një 74-vjeçar ka humbur jetën pasi dyshohet se është goditur me...
21:37 | 24/06/2026