Agresori nuk shpreh pendesë, Gert Shehu testohet për drogë

Prokuroria e Tiranës pritet të kërkojë masën e arrestit me burg për agresorin e ish-kryeministrit Sali Berisha.

Gert Shehu do dalë paraditen e së premtes para Gjykatës së Tiranës për t’u njohur me masën e sigurisë. Ndaj tij janë ngritur dy akuza, goditje për shkak të detyrës dhe plagosje me dashje.

Në tentativën e dytë për t’i marrë deklarime, 31-vjeçari nuk ka shfaqur pendesë për veprimin e kryer duke mbajtur qëndrime kontradiktore mbi motivet e sulmit ndaj kryetarit të Partisë Demokratike.

Prokuroria ka kërkuar për të ekspertizë të gjendjes psikologjike, por agresori i është nënshtruar edhe testit të drogës për të parë nëse gjatë sulmit ka qenë nën efektin e lëndëve narkotike.

Gert Shehu rezulton me precedent të mëparshëm për dhunë. Për rrahjen e një roje palestre në vitin 2017 ai është dënuar me 200 mijë lekë gjobë nga Gjykata e Tiranës, ndërsa në gusht të këtij viti ka dhunuar një bashkëmoshatar, rast për të cilin është proceduar në gjendje të lirë.

LEXONI GJITHASHTU:

• Nesër seanca gjyqësore për Gert Shehun, dy akuzat që rëndojnë mbi të
• Dyshimet e Balliut: Nga selia e PD dje kishte dy dalje, si e mori vesh Gert Shehu?