Agron Duka: Qeveria të subvencionojë ekonominë, opozita të bëjë punën e saj në parlament

Kryetari i Partisë Agrare Ambientaliste Agron Duka tha se me rritjen e çmimeve masa që duhet të marrë qeveria është subvencionimi i ekonomisë.

Ai u shpreh se cilado qeveri ka qenë në pushtet ka përdorur frazën “rritje e eksporteve, ulje e importeve”, por në fakt nuk ndodh kështu.

Sipas Dukës janë pikërisht politikat e qeverisë që po ulin interesin për t’u marrë me bujqësi dhe blegtori.

“Opozita duhet të mbarojë hallet e veta njëherë, se ju e shihni që opozita ka shumë halle brenda vetes, PD faktikisht, se ne partitë e vogla nuk kemi ndonjë influencë të madhe. Pa u sqaruar se si do të jetë PD e ardhshme, opozita nuk është shumë e akorduar në veprimet e tyre,” – deklaroi kreu i PAA-së.

Sipas tij situata e krijuar brenda partisë është shumë e turbullt dhe e vështirë për t’u parashikuar.

LEXONI GJITHASHTU: 

• Rama-deputetëve të PD: Nafta sot më lirë se sa kur ju latë pushtetin, dukeni si mbeturina të Partisë së Punës
• ‘Keni gënjyer me shifrat’, Basha debaton me Manastirliun për vdekjet gjatë pandemisë
• Ahmetaj i përgjigjet opozitës: Ulja e TVSH nuk shkon tek konsumatori, BB na nxori me rritjen më të madhe në rajon