Qeveria premton paketë mbështetëse për mbrojtjen e qytetarëve nga rritja e çmimeve

Kryeministri Edi Rama do të shpalosë brenda javës një paketë masash mbështetëse për konsumatorin familjar dhe biznesin e vogël për t’i mbrojtur nga kriza energjetike, që sipas tij pritet të prekë edhe vendin tonë.

Lajmi u bë me dije nga zëvendëskryeministri Arbën Ahmetaj i cili tha se kryeministri ka ngritur një grup ndërinstitucional për të monitoruar çdo ditë situatën e energjisë.

“Shumë shpejt brenda javës kreu i qeverisë do të shpalosë vetë një paketë masat për mbrojtjen e  qytetarëve dhe sipërmarrjes së vogël. Por në nevojë të qetësimit të konsumatorëve, ju them se ne do të vazhdojmë ta mbrojmë konsumatorin familjar dhe sipërmarrjet e vogla nga rritja e çmimeve”, tha z. Ahmetaj.

Numri 2 i qeverisë u shpreh se është e pashmangshme që Shqipëria të mos preket nga kriza, e cila siç tha ka përfshirë gjithë botën dhe është një kombinim faktorësh gjeopolitikë. Zv.kryeministri theksoi se nga ana e Ministrisë së Infrastrukturës dhe Energjisë janë duke punuar për të garantuar furnizim të pandërprerë të energjisë dhe akses në tregun ndërkombëtar për të blerë energji të vazhdueshme.

LEXONI GJITHASHTU:

• Rritja e çmimit të karburanteve nga kriza botërore e energjisë, thotë Rama
• Kriza energjetike, eksperti: S’do ketë pasoja të menjëhershme tek qytetarët
• ‘Gropa energjetike nga korrupsioni jo nga tregjet’, Basha: Do nxisim çdo formë të rezistencës qytetare