Ahmetaj i përgjigjet opozitës: Ulja e TVSH nuk shkon tek konsumatori, BB na nxori me rritjen më të madhe në rajon

Zëvendëskryeministri Arben Ahmetaj gjatë fjalës së tij në Kuvendin e Shqipërisë tha se opozita është duke e nxirë situatën ekonomike të vendit, ndërkohë që sipas tij ekonomia ka performuar shumë mirë, duke pasur parasysh se vijmë pas krizës së tërmetit dhe pandemisë.

Sipas Ahmetaj, raporti i Bankës Botërore e cilëson Shqipërinë si vendin me rritjen më të madhe në rajon ‘falë punës dhe reformave të qeverisë’.

Referuar kërkesës për opozitës për uljen e TVSH për produktet e shportës, Ahmetaj tha se ulja e TVSH nuk mbërrin tek konsumatori, përkundrazi e dëmton atë duke i hequr instrumentet shtetërore që e ndihmojnë.

Ai ftoi opozitën të mbështesë paketën që do të prezantohet brenda 2 ditësh nga qeveria me qëllim mbrojtjen e familjeve në nevojë dhe sipërmarrjes së vogël nga rritja e çmimeve për shkak të krizës së energjisë.

“Do marrim masa rregullatore që të garantojnë mbrojtjen e shtresave në nevojë dhe sipërmarrjen e vogël që gjeneron punësim si edhe furnizim të pandërprerë me energji për vendin”, tha Ahmetaj.

LEXONI GJITHASHTU:

• Rama-deputetëve të PD: Nafta sot më lirë se sa kur ju latë pushtetin, dukeni si mbeturina të Partisë së Punës
• ‘Keni gënjyer me shifrat’, Basha debaton me Manastirliun për vdekjet gjatë pandemisë