Aksident i rëndë në fshatin Çungur të Pejës/Humb jetën vëllai i këngëtarit të njohur

Një aksident tragjik trafiku ka ndodhur sot në fshatin Çungur të Pejës, ku për pasojë një person ka humbur jetën, ndërsa një tjetër ka mbetur i lënduar.

Sipas informacioneve të para, viktima dyshohet të jetë Eldion Kelmendi, vëllai i këngëtarit të njohur kosovar, Besart Kelmendi, i njohur si Gjesti.

Zëdhënësi i policisë për rajonin e Pejës, Fadil Gashi, ka konfirmuar ngjarjen dhe ka bërë me dije se aksidenti ka ndodhur në përplasje ndërmjet një veture dhe një katërçiklisti.

“Mjeku që ka dalë në vendin e ngjarjes ka konstatuar vdekjen e njërit prej të lënduarve, ndërsa tjetri është dërguar për trajtim urgjent në Spitalin Rajonal të Pejës,” tha Gashi.

Në vendin e ngjarjes kanë dalë njësitë policore dhe hetuesit e aksidenteve, të cilët po punojnë për zbardhjen e plotë të rrethanave të këtij aksidenti tragjik.

LEXONI GJITHASHTU:

• Takim i nivelit të lartë mes Policisë së Shtetit dhe Europol: Fokus te bashkëpunimi
• Vrasja e Klevis Lleshit në 2020, SPAK: U paguan 50 mijë euro për gjakmarrje