Aksident i rëndë në Prrenjas–Librazhd, plagosen katër anëtarë të një familje

Një aksident i rëndë rrugor ka ndodhur pasditen e së enjtes në aksin kombëtar Prrenjas–Librazhd, pranë fshatit Qukës, ku dy automjete janë përplasur me njëra-tjetrën, duke lënë të plagosur katër persona nga e njëjta familje.

Sipas burimeve nga vendngjarja, njëri prej të plagosurve ndodhet në gjendje kritike për jetën. Autoambulanca nga spitalet e Librazhdit dhe Prrenjasit mbërritën menjëherë në vendin e ngjarjes për të ofruar ndihmën e parë dhe për të transportuar të lënduarit drejt qendrave spitalore për trajtim të specializuar.

Rrethanat e aksidentit nuk janë bërë ende të ditura. Grupi hetimor dhe forcat e policisë ndodhen në vendngjarje dhe kanë nisur punën për të zbardhur shkakun e përplasjes dhe dinamikën e ngjarjes.

LEXONI GJITHASHTU:

• Kalben domatet, fermerët e Jagodinës përballen me humbje: Nuk nxorrëm as shpenzimet
• Zjarr tragjik në qendrën tregtare në Irak: Të paktën 60 të vdekur