Aksident i rëndë në Tiranë! Taksia përplas tre fëmijë me monopatinë

Një aksident i rëndë ka ndodhur këtë të mërkurë në Tiranë. Një taksi ka përplasur tre fëmijë të cilët ishin me monopatinë. Ngjara ka ndodhur pranë zonës të ish-hotel Dajtit ku një taksi ka përplasur 2 monopatina me të cilat po lëviznin 3 të mitur.

Sipas informacioneve fëmijët janë dërguar në spitalin e Traumës ku po ekzaminohen.

Sipas policisë taksisti 41 vjeçar është shoqëruar në Komisariat, me qëllim kryerjen e veprimeve të mëtejshme procedurale.

Njoftimi i policisë:

Rreth orës 10:30, në bulevardin “Dëshmorët e Kombit”, shtetasi E. K., rreth 41 vjeç, ka përplasur me automjetin që drejtonte, 2 monopatina me të cilat lëviznin 3 të mitur.

Si pasojë janë demtuar 3 të miturit, të cilët janë transportuar në spital, ku janë në kujdesin e mjekëve.

Shtetasi E. K. është shoqëruar në Komisariat, me qëllim kryerjen e veprimeve të mëtejshme procedurale.

Ndërkaq, një grup i posaçëm hetimor po punon në vendngjarje për të sqaruar rrethanat e aksidentit.

LEXONI GJITHASHTU:

• “S’duhet të shqetësohemi më për Iranin”, Trump: Bëmë një Hiroshima
• “Dua të të ndihmoj me Iranin” Trump zbulon bisedën me Putin: I thashë, e zgjidh vetë