Aksident me Jet Ski në Dhërmi, transportohet me urgjencë për në spital 33-vjeçari

Një pushues në Dhërmi ka humbur kontrollin mbi mjetin e tij lundrues të tipit Jet Ski, duke mbetur i dëmtuar vetë.

Shtetasi S.T, 33 vjeç ka qenë duke lundruar, së bashku me vëllain e tij, me mjetin ujor që kishte marrë me qera, jashtë perimetrit të sigurisë ujore dhe bovave të vendosura për zonat e pushuesve.

Si pasojë e rrëzimit në det, 33-vjeçari është dërguar për ndihmë mjekësore të specializuar në spitalin e Vlorës.

Policia Kufitare ka dërguar mjetin lundrues në portin e Himarës për veprime të mëtejshme. Ndërsa grupi hetimor po vijon ende punën për sqarimin e plotë të rastit në fjalë.

LEXONI GJITHASHTU:

• Sekuestrohen 5 mjete lundruese e 4 jet ski pa dokumente në Vlorë, Durrës e Velipojë
• Siguria në plazhe, njësia detare bllokon dy jet ski pa dokumente në Durrës