Sekuestrohen 5 mjete lundruese e 4 jet ski pa dokumente në Vlorë, Durrës e Velipojë

Njësia policore detare ka sekuestruar 9 mjete lundruese pa dokumentacion në Vlorë, Durrës e Velipojë. Policia kufitare tha se nga Ksamili në Velipojë janë kontrolluar 78 mjete lundruese, kryesisht Jet Ski, skafe dhe gomone.

Pronarët e mjeteve të sekuestruara janë gjobitur me nga 10 mijë dhe 20 mijë lekë.

“Si rezultat i kontrolleve, janë bllokuar për mungesë dokumentacioni, në Vlorë dhe në Durrës, 5 mjete lundruese, si dhe janë ndëshkuar pronarët e tyre, me masë administrative 10.000 lekë të rinj secili. Ndërkohë, në kuadër të monitorimit të perimetrit të sigurisë, në Velipojë, Vlorë dhe në Durrës, janë bllokuar 4 Jet Ski, si dhe janë ndëshkuar me masë administrative 20 000 lekë secili, pronarët e këtyre mjeteve lundruese, për mosrespektim të perimetrit të sigurisë”, bëri me dije policia.

LEXONI GJITHASHTU:

• 32 mjete lundruese të bllokuara nga Ksamili në Velipojë, gjobiten drejtuesit
• Bllokohen 6 mjete lundruese nga Shëngjini në Kavajë, gjobiten drejtuesit