Siguria në plazhe, njësia detare bllokon dy jet ski pa dokumente në Durrës

Në zbatim të planit të masave, Policia Kufitare dhe Njësia Policore Detare kanë nisur kontrollet intensive përgjatë gjithë vijës bregdetare, liqenore dhe lumore, për verifikimin e  dokumentacionit të mjeteve lundruese.

Në këtë kuadër, policia kufitare dhe njësia detare ndaluan 2 mjete lundruese argëtimi Jet Ski të cilat pas verifikimit ka rezultuar se nuk kishin dokumentacion. Për këtë arsye Policia Kufitare ka bërë bllokimin mjeteve lundruese, si dhe ka ndëshkuar me masën administrative 10 000 lekë, secilin nga drejtuesit.

“Kjo nismë vjen për të garantuar sigurinë e pushuesve gjatë sezonit turistik, ku policia do të zbatojë një plan masash për ushtrimin e kontrolleve intensive në të gjithë vijën bregdetare, ndaj mjeteve lundruese, kryesisht ndaj atyre të argëtimit”, bën me dije policia kufitare e Durrësit.

LEXONI GJITHASHTU:

• Tentoi të grabiste 2 automjete, arrestohet 50-vjeçari në Durrës
• Gazetarja: Turistët nga Kosova braktisin Durrësin, shkak liberalizimi i vizave