Aksident në aksin Elbasan-Librazhd, plagosën dy persona! Qarkullim i rënduar në të dyja drejtimet

Një aksident rrugor është regjistruar mbrëmjen e kësaj të shtune në aksin Elbasan-Librazhd, pranë zonës së Labinot Fushës, ku dy persona kanë mbetur të plagosur.

Si pasojë e përplasjes, qarkullimi në këtë segment është rënduar ndjeshëm, duke krijuar radhë të gjata automjetesh në të dy drejtimet.

Në vendngjarje kanë mbërritur forcat e Policisë, të cilat po punojnë për menaxhimin e trafikut dhe për sqarimin e rrethanave të aksidentit.

Ndërkohë, autoritetet u kanë bërë apel drejtuesve të mjeteve të tregojnë kujdes maksimal, të respektojnë sinjalistikën rrugore dhe të shmangin manovrat e rrezikshme, veçanërisht në një aks me fluks të lartë lëvizjeje si Elbasan-Librazhd.