Aksident në aksin Lushnje-Berat, kamioni bie në kanal! Plagoset rëndë shoferi

Një aksident i rëndë është shënuar këtë të shtunë në aksin Lushnje-Berat. Një mjet i tonazhit të rëndë ka dalë nga rruga dhe ka përfunduar në kanalin kullues i përmbysur.

Sipas informacioneve mjeti i tonazhit të rëndë ka qenë i mbushur me çakull dhe po shkonte drejt Beratit.

Në vendngjarje kanë mbërritur menjëherë shërbimet zjarrfikëse të Lushnjes dhe efektivët e qarkullimit rrugor, të cilët kanë bërë të mundur nxjerrjen e shoferit nga kabina.

Ai ka marrë plagë të rënda, por në momentin e nxjerrjes ishte i vetëdijshëm dhe është dërguar me urgjencë në spitalin e Lushnjes për ndihmë mjekësore.

LEXONI GJITHASHTU:

• Aksident në Holandë, treni përplaset me kamionin
• Shkaktoi aksidentin me vdekje në Korçë-Bilisht, arrestohet 38-vjeçari nga Tropoja