Aksident në Pogradec, humb jetën 55-vjeçari

Aksident me një të vdekur në aksin rrugor Pogradec – Qafe Thanë, në afërsi të kryqëzimit të fshatit Mëmëlisht.

Burime pranë vendit të ngjarjes thanë se viktima është përplasur nga një automjet i cili po qarkullonte në afërsi të këtij kryqëzimi.

Viktima është Ilir Mimini, 55 vjeç. Sipas informacioneve në vitin 2000, në të njëjtin vendështë përplasur pë vdekje nga një makinë edhe babai i tij.

Gjithashtu mësohet se viktima ka qenë duke lëvizur në këmbë kur ka marrë e goditjen fatale me pasojë vdekjen.

Policia në vendin e ngjarjes po heton për rrethanat e këtij aksidenti.

Njoftimi i policisë:

Rreth orës 18:45, në aksin rrugor “Pogradec-Qafë Thanë”, në fshatin Mëmëlisht, një automjet i paindentifikuar, ka përplasur këmbësorin, shtetasin I. M., 55 vjeç, banues në Mëmëlisht.

55-vjeçari si pasojë e përplasjes ka ndërruar jetë në vëndngjarje.

Grupi hetimor nën drejtimin e Prokurorisë, po punon për indetifikimin e automjetit dhe drejtuesit të tij, kapjen e vënien në praga të autorit të aksidentit si dhe për përcaktimin e rrethanave dhe shkakut të aksidentit.