Aksident tragjik në Palasë–Dhërmi/ Humb jetën pasagjeri 9-vjeçar, arrestohet shoferi

Një aksident i rëndë ka ndodhur mbrëmjen e së enjtes në aksin rrugor Palasë–Dhërmi, ku për pasojë ka humbur jetën një pasagjer i mitur, 9-vjeçar.

Fëmija ndodhej në automjet së bashku me një 20-vjeçar dhe drejtuesin e mjetit, 36-vjeçarin M.K., kur makina humbi kontrollin dhe doli nga rruga duke u përplasur me bordurën anësore.

Pas përplasjes së fortë, pasagjeri i mitur humbi jetën në vendin e ngjarjes ndërsa pasagjeri tjetër, 20-vjeçar, u dëmtua dhe u dërgua në Spitalin e Traumës në Tiranë për ndihmë mjekësore.

Policia ka arrestuar drejtuesin e automjetit, 36-vjeçarin M.K., me origjinë nga Librazhdi, pasi dyshohet se ai po drejtonte makinën në gjendje të dehur.

Njoftimi i policisë

“Specialistët e Seksionit të Trafikut Urban dhe Interurban në DVP Vlorë arrestuan në flagrancë, për veprën penale “Drejtimi i automjeteve në mënyrë të parregullt”, shtetasin M. K., 36 vjeç, banues në Librazhd, pasi më datë 24.07.2025, rreth orës 23:10, në aksin rrugor Palasë–Dhërmi, duke drejtuar automjetin në gjendje të dehur, dyshohet se ka humbur kontrollin mbi drejtimin e mjetit dhe është përplasur me bordurën anësore të rrugës. Si pasojë e aksidentit, ka humbur jetën në vendngjarje njëri prej pasagjerëve, një i mitur 9 vjeç. Gjithashtu, është dëmtuar pasagjeri tjetër, shtetasi E. A., 20 vjeç, i cili ndodhet në Spitalin e Traumës, nën kujdesin e mjekëve”, thuhet në njoftimi ne policisë.

LEXONI GJITHASHTU:

• Tre mjete përfshihen në një aksident të fortë në Berat, 3 të lënduar në spital
• U mbyt në Lagunën e Patokut, gjendet trupi i pajetë i 16-vjeçarit