Sulmuesi 22-vjeçar grek Iordanis Adamakis është identifikuar mes viktimave të aksidentit tragjik të trenave në Greqi.

Adamakis e nisi karrierën e tij në Kavala, më pas luajti për Rodos dhe së fundmi Thesprotos në SL2.

Rodos do ta emërojë dhomën e zhveshjes me emrin e Iordanis Adamakis për të nderuar kujtimin e tij

Të paktën 57 persona kanë humbur jetën nga përplasja fatale mes një treni udhëtarësh dhe një treni mallrash një ditë më parë në Larisa, Greqi.

Sipas mediave greke bëhet fjalë për 130 të lënduar dhe 66 persona që po marrin mjekim në spital. 6 prej tyre janë në gjendje të rëndë.

Të mbijetuarit kanë treguar se vagonët u përfshinë me shpejtësi nga flakët, njerëzit digjeshin të gjallë, ndërsa ishte shumë e vështirë të nxirrje personat nga mjeti i shkatërruar.

Greqia ka shpallur 3 ditë zie kombëtare në nder të viktimave.

LEXONI GJITHASHTU:

• Dyshohet për 4 shqiptarë të vdekur nga përplasja e trenave në Greqi
• Tragjedia hekurudhore në Greqi, gazetari i Euronews: Nuk ka shpresë për të mbijetuar