Aksidenti tragjik, Greqia kërkon fonde nga BE për përmirësim të sigurisë hekurudhore

Greqia do të kërkojë fonde shtesë nga BE për të përmirësuar sigurinë hekurudhore dhe për të përmirësuar urgjentisht trafikun hekurudhor, njoftoi sot qeveria greke.

Në të njëjtën kohë, punonjësit e sektorit publik po planifikojnë protesta të gjera të indinjuar nga aksidenti më i rëndë i trenit në Greqi që vrau 57 njerëz javën e kaluar, raporton Reuters.

Sindikatat thonë se kriza e borxhit që kaploi Greqinë nga viti 2010 deri në 2018 ka rezultuar në siguri të dobët hekurudhore, ulje të kostove dhe nën-investime.

Kryeministri Kyriakos Mitsotakis pranoi se vitet e neglizhencës së rrjetit të transportit mund të kenë kontribuar në fatkeqësinë e 28 shkurtit.

“Ne nuk mundemi, nuk duam dhe nuk do të fshihemi pas gabimit njerëzor”, tha zëdhënësi i kryeministrit Mitsotakis në konferencën e sotme për shtyp.

LEXONI GJITHASHTU:

• Me nderime ushtarake, pamjet nga varrimi i studentes shqiptare në Greqi
• Kolegët i sjellin çantën e shërbimit, varroset mes lotësh zjarrfikësi dhe e dashura