Aksidentohet autobusi në Afrikën e Jugut, 45 të vdekur! Mbijeton vetëm një 8-vjeçar

Një aksident ku u përfshi një autobus ndodhi ditën e sotme në Afrikën e Jugut, ku mbetën të vdekur 45 persona.

Sipas burimeve nga mediat e huaja, në autobus ndodheshin gjithsej 46 persona, përfshirë edhe shoferin.

Mësohet se vetëm një fëmijë 8-vjeçar, i ka shpëtuar aksidentit dhe po trajtohet në spital.

Në një deklaratë, Ministria e Transportit tha se shoferi humbi kontrollin mbi mjetin dhe u përplas me barrierat në një urë, duke bërë që autobusi të bjerë dhe të marrë flakë, pranë Mamatlakala në provincën verilindore të Limpopo.

Autobusi i pasagjerëve po transportonte njerëz nga Botsvana.

Operacionet e shpëtimit vazhduan deri në orët e vona të mbrëmjes të së enjtes.

LEXONI GJITHASHTU:

• Aksident tragjik në Gjermani/ 5 viktima e disa të plagosur nga përplasja e autobusit
• Përfshihet nga flakët autobusi në lëvizje në aksin “Tiranë-Elbasan”