Aksidentohet i moshuari me motoçikletë në Korçë

Një i moshuar ka mbetur i plagosur në një aksident në unazën e qytetit të Korçës.

Ai ka qenë duke udhëtuar i vetëm në motor kur ka humbur ekuilibrin duke u rrëzuar nga motori dhe mbetur i plagosur.

Burime nga vendi i ngjarjes thanë se në momentin e humbjes së ekuilibrit ai ka dashur të kalojë nga njëri krah i rrugës në anën tjetër drejt një rruge dytësore, manovrim që ka sjellë edhe rrëzimin e tij.

Sipas policisë i moshuari ka qenë duke lëvizur pa skafandër ndaj e ka marrë plagë në kokë.

Nga spitali bëjnë me dije se i moshuari po merr ndihmën e parë pranë këtij spitali dhe gjendja duket e stabilizuar

Policia ndodhet në vendin e ngjarjes për të hetuar me shume për shkaqet e këtij aksidenti.

LEXONI GJITHASHTU:

• Aksident me vdekje në autostradën Tiranë-Durrës, humb jetën 35-vjeçari
• Ra aksidentalisht nga lartësia e një lokali në Lezhë, 22-vjeçari në gjendje të rëndë