Shërbimet e sigurisë në të gjithë Evropën janë në gatishmëri tepër të lartë pasi dyshohet se Rusia po përdor një mënyrë të re sulmi ndaj kontinentit të vjetër, përmes zjarrvënieve dhe akteve të sabotazhit. Hetuesit dyshojnë se Moska fshihet pas zjarrvënieve në lindje të Londrës dhe Polonisë, një përpjekje sabotazhi në Bavari dhe mbishkrimeve antisemitike në Paris.

Megjithëse nuk ka asnjë provë që këto incidente të janë të koordinuara, shërbimet e sigurisë besojnë se ato mund të jenë pjesë e një përpjekjeje të Moskës për të destabilizuar Perëndimin, i cili ka mbështetur Ukrainën. Ata theksojnë se në epokën e mediave sociale, rusët mund të punësojnë, duke lënë thuajse aspak lidhje dhe duke i paguar në kriptomonedhë.

Shqetësimi i shfaqur se këto sulme hibride mund të jenë vepër e Rusisë, ka alarmuar politikanët. Çështja u ngrit në një samit të ministrave të jashtëm dhe të mbrojtjes në Bruksel këtë javë me zyrtarë të sigurisë.

Vendet e BE-së po ndjekin këto ngjarje. Qendra Kombëtare e Menaxhimit të Krizave të Lituanisë ka paralajmëruar bizneset, përfshirë qendrat tregtare dhe organizatat që mbështesin Ukrainën, të rrisin vigjilencën e tyre.

LEXONI GJITHASHTU:

• Kërcënoi me luftë botërore, Scholz e Macron i përgjigjen “dhëmbë për dhëmbë” Putinit
• Zelensky nën shënjestrën e Rusisë, Medvedev: E kemi objektiv