Aktivistët parisien po kursejnë energji në mënyrën më origjinale të mundshme

Aktivistët në Paris, të ndërgjegjësuar me krizën energjetike që do të ndikojë jo vetëm Francën por gjithë botën, kanë vendosur të kursejnë në mënyrën më origjinale të mundshme.

Ata kanë ndërmarrë nismën të fikin dritat e bizneseve që natën nuk ngurojnë t’i lënë ndezur logot, edhe pse vazhdimisht është paralajmëruar për masa kufizuese.

Si do e bëjnë këtë?

Aktivistët po përdorin një lëvizje të quajtur “Parkour”, që përgjithësisht përdoret nga superheronjtë nëpër filma, një kërcim së gjati. Pasi mbahen diku te sigurt, ata shtypin çelësin që fik dritat e biznesit dhe largohen.

Një veprim i tillë ka bërë bujë në rrjete sociale duke qenë se ata e kanë xhiruar veten gjatë procesit.

Qeveria franceze do të detyrojë të gjitha bizneset me ajër të kondicionuar të mbyllin dyert dhe të fikin reklamat me ndriçim gjatë natës, në përpjekje për të ulur përdorimin e energjisë.

Ministrja e Tranzicionit të Energjisë thotë se është “absurde” që dyert të qëndrojnë hapur ndërsa kondicioneri është në punë, çka çon në 20% më shumë konsum të energjisë.

Bizneset që thyejnë ndalimin, që do të hyjë në fuqi në ditët e ardhshme, do të gjobiten me 750 €.

 

View this post on Instagram

 

A post shared by Euronews Albania (@euronews_albania)

LEXONI GJITHASHTU:

• Kriza energjetike; Franca plan për çdo skenar, Gjermania gati centralet bërthamore
• Franca masa ‘drastike’ për energjinë, gjoba nëse shkelen nga bizneset
• Godinat e BE kursejnë energji, eurodeputetët: PE të zhvendoset në Bruksel