Aktivisti kundërshton pretendimet e PDK: Protesta ishte e mbështetur edhe nga LVV

Aktivisti Avni Zogiani tha për “Review” në Euronews Albania se pretendimet e PDK-së se LVV-ja nuk mbështeti protestën e sotme në Kosovë janë të pavërteta.

“Më vjen keq që harrohet të thuhet se Vetëvendosja ka pasur një përkrahje për këtë protestë, siç ka pasur gjithë shoqëria shqiptare në Kosovë. Po ashtu ka pasur nga kryeparlamentari Glauk Konjufca, për t’iu bashkuar marshimit dhe mendoj që kjo u pa dhe në rrjete sociale, një numër jashtëzakonisht i madh i aktivistëve të Vetëvendosjes pa pasur postime dhe thirrje, pra nuk duhet lënë hapësirë për keqkuptim se kjo ka qenë një protestë e dikujt kundër dikujt,” – u shpreh Zogiani.

Në Prishtinë u zhvillua sot një marshim solidarizues në mbështetje të ish-krerëve të Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi, Rexhep Selimi dhe bashkëluftëtarët e tyre që ndodhen në Hagë.

Ideatorët e platformës “Liria ka emër”, Eliza Hoxha dhe Ismail Tasholli kanë deklaruar se ish-krerët e UÇK-së nuk po përballen me akuza dhe procese gjyqësore për shkak të emrave të tyre të përveçëm, por sepse emrat e tyre lidhen me luftën e Kosovës për liri.

LEXONI GJITHASHTU:

• Kosova në protestë për UÇK-në, gazetari Kosovë Gjoci zbulon shifrat e pjesëmarrjes
• “Do jetë presidenti i ardhshëm”: Protestuesit në Florida i qëndrojnë besnikë Trump