Ditën e sotme Selam Hyka dhe Marsel Baçi, dy shtetasit e akuzuar për shfrytëzimin seksual të një 16 vjeçareje në fshatin Leminot të Maliqit, janë lënë në burg nga Gjykata e Korçës.
Ata akuzohen për veprat penale të ‘marrëdhënies seksuale me dhunë’ dhe ‘shfrytëzim prostitucioni’.
26-vjeçari Marsel Baçi ka pranuar akuzën se ka kryer marrëdhënie seksuale me të miturën, por ka kundërshtuar akuzën e shfrytëzimit të saj.
Njoftimi:
Në Gjykatën e Shkallës së Parë e Juridiksionit të Përgjitshëm Korçë, u zhvillua sot në datën 26.07.2024 ora 13:00 seanca me objekt: “Vleftësim i ligjshëm ndalimi, caktim mase sigurimi”, ndaj shtetasve S.H, M.B ku gjykata në përfundim vendosi: Pranimin e kërkesës.
1- Vleftësimin si të ligjshëm të ndalimit dhe caktimin e masës së sigurimit “Arrest në burg” ndaj shtetasit S.H, i dyshuar për kryerjen e veprës penale “Marrëdhënia seksuale ose homoseksuale me dhunë me të mitur të moshës 14-18 vjeç” parashikuar nga neni 101/1i Kodit Penal.
2- Vleftësimin si të ligjshëm të ndalimit dhe caktimin e masës së sigurimit “Arrest në burg” ndaj shtetasit M.B, i dyshuar për kryerjen e veprës penale “Shfrytëzimi i prostitucionit” parashikuar nga neni 114/2 i Kodit Penal.
Ju falemiderit!
LEXONI GJITHASHTU:
- Irani hedh poshtë akuzat për komplot për të vrarë Trump
- Pjerin Ndreu flet pas daljes nga SPAK: Nëse ngrenë akuza, do përballem!
