Akuza për rindërtimin, Xhaferri: Qeveria dyfishon koston për ndërtimin e shkollave

Kryetari i Partisë Demokratike në Durrës, Ferdinand Xhaferri, akuzoi të premten qeverinë se po abuzon me fondet e rindërtimit.

Në një video-denoncim ai u shpreh se kosto për ndërtimin e shkollave të dëmtuara nga tërmeti i 26 nëntorit 2019, është dy herë më e lartë se sa shuma që harxhojnë donatorët e huaj.

“[…] mjafton të krahasojmë tenderine qeverisë dhe atë të Bashkimit Europian për shkollat. Të dy tenderat u hapën në të njëjtën kohë. Bashkimi Europian do të ndërtojë 1 shkollë me 680 mijë euro, qeveria do të ndërtojë në Durrës 1 shkollë me 1.2 milionë euro, me gati dyfishin e çmimit,” – u shpreh Xhaferri teksa kujtoi se sipas qeverisë janë 32 shkolla për t’u rindërtuar vetëm në Durrës.