Akuzat e Berishës për atentatin ndaj Salvadore Kaçaj, përgjigjet Pjerin Ndreu

Kandidati i PS për Lezhën, Pjerin Ndreu, i është përgjigjur akuzave të ish-kryeministrit Berisha se ai fshihet pas atentatit të dështuar ndaj ish-kreut të komunës së Shëngjinit, Salvatore Kaçaj.

Ndreu tha për Euronews se këto janë skema të shëmtuara për të krijuar alibi për humbjen që do të marri koalicioni “Bashkë Fitojmë” në Bashkinë e Lezhës.

“Se pashë një ish-kryetar komune që për ne nuk ka asnjë peshë që nuk e konsiderojmë si faktor elektorale. Një faktor elektoral që është i investuar kundër kandidatët që gjoja mbështeste. Tani do të marrë protagonizmin. Ne se kemi idenë se çfarë i ka ndodhur, nuk jemi pjesë e kësaj dhe as nuk e kemi në kosideratë si faktor elektoral. As nuk e kemi pas ndonjëherë

Këto janë ca folklorizma dhe skema bajate që janë aq të shëmtuara dhe aq pa vend që mundohen të ndotin klimën, ose ndoshta janë alibija e humbjes, ose të shfaqesh si dikush që nuk je”, tha Ndreu.