Akuzat për blerje votash, Mehmetaj: Po mbledhim fakte, do i dorëzojmë pranë institucioneve të drejtësisë

Ish-deputetja e LSI-së, Kejdi Mehmetaj deklaroi se kjo parti do të publikojë fakte ku sipas saj tregohet sesi kërcënohen punonjësit e administratës shtetërore për të votuar PS-në.

“Do të dalin fakte sesi kërcënoheshin punonjësit e administratës shtetërore për të votuar PS-në. Grupi ynë i juristëve vazhdon punën e tij për të mbledhur të gjitha faktet dhe për t’i dorëzuar ato pranë institucioneve të drejtësisë”, u shpreh ish-deputetja gjatë një deklarate për mediat.

Mehmetaj iu bëri thirrje qytetarëve që kanë informacion mbi blerjen e votës dhe përdorimin e institucioneve shtetërore, të denoncojnë në organet përkatëse.

“Me këtë rast inkurajojmë qytetarët që kanë informacion mbi blerjen e votës dhe përdorimin e institucioneve shtetërore që të denoncojnë. Vetëm kështu do të kemi mundësinë për të rivendosur demokracinë. Rama nuk i ka fituar zgjedhjet, ai i bleu ato, por sërish nuk ia doli”, përfundoi ajo.

Lexoni gjithashtu:

Basha i cilëson zgjedhjet “masakër”, akuzon PS-në se mori vota përmes lidhjeve me krimin

Akuzat e Bashës për zgjedhjet, Rama: Ftesa për bashkëpunim është e hapur