Akuzohet se vrau 65-vjeçarin, arrestohet pas një viti shqiptari në Itali

27 Mars 2025 | 15:25

Roberto Basso, 65 vjeç, një shitës duhani, u vra më 5 mars të vitit 2024 në Itali.

Ngjarja ndodhi në shtëpinë e tij, ku ai jetonte i vetëm ndërsa një vit më pas policia italiane ka arrestuar si autor të dyshuar, 36-vjeçarin shqiptar L.SH, i cili akuzohet për vrasje.

Shqiptari, 36-vjeçar jeton prej vitesh në Jesolo me familjen e tij ndërsa u ndalua nga Karabinierët e Venecias më 24 mars 2025, pas 11 muajsh hetimesh.

Në shtëpinë e viktimës, në rrugën Via Antiche Mura, nuk u gjetën shenja thyerje dhe mendohet se 65-vjeçari Basso ta ketë njohur autorin, dhe mund të ketë lejuar që ai të hynte në shtëpi.

Një vjedhje që degradoi në vrasje

Motivi i krimit, sipas hetimeve, dyshohet të ketë qenë një vjedhje në shtëpi që ka degraduar në një sulm të dhunshëm.

Duket se shqiptari hyri në shtëpinë e viktimës për të vjedhur paratë nga shitja e cigareve, por, pasi u kap, ai reagoi duke goditur Roberto Basson në kokë me një objekt të fortë.

Kundër tij flasin pamjet e kamerave të sigurisë që tregojnë praninë e tij në zonë, si dhe disa gjurmë ADN të gjetura në vendin e krimit.

Për më tepër, thuhet se shqiptari i ka kërkuar gruas së tij konfirmimin e një alibie të rremë për natën e krimit.

Në seancën e konfirmimit, prokurori Giovanni Zorzi i ka komunikuar shqiptarit akuzën e vrasjes me dashje. Gjykatësi ka urdhëruar që ai të mbahet në burg.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Plazhet publike me pagesë, Ministri Gonxhja: Disa janë tarifuar 1 mijë lekë të reja, lidhet me kostot e larta të mirëmbajtjes

Ministri i Turizmit, Kulturës dhe Sportit, Blendi Gonxhja, ka folur ditën e sotme pas mbledhjes së Qeverisë, ku janë marrë disa vendime, një prej të...
16:39 | 26/06/2026

Indeksimi i pensioneve, ministrja Ibrahimaj: Nga data 1 korrik, 900 mijë pensionistë përfitojnë nga rritja me 2.7%

Nga vendimet e marra sot nga Këshilli i Ministrave, Ministrja e Ekonomisë, Delina Ibrahimaj njoftoi miratimin e disa ligjeve, ndër to edhe indeksimi i pensioneve....
16:19 | 26/06/2026

Konfederata Evropiane e Sindikatave kërkon ligj që përcakton temperaturën maksimale për të punuar

Valët ekstreme të të nxehtit po e bëjnë gjithnjë e më të rrezikshme punën në shumë vende të Evropës. Për këtë arsye, Konfederata Evropiane e...
15:50 | 26/06/2026