‘Alarm që e kemi ngritur ndër vite’, Alibeaj reagon për ngjarjet e policisë

Deputeti demokrat Enkelejd Alibeaj ka reaguar në lidhje me dy ngjarjet e rënda që ndodhën mbrëmjen e së hënës, ku një punonjës policie u qëllua për vdekje nga kolegu i tij në komisariatin nr. 3 në Tiranë dhe një efektiv i FNSH-së, në gjendje të dehur plagosi një 55-vjeçar.

Përmes një postimi në rrjetet sociale, Alibeaj u shpreh se këto ngjarje tregojnë se jetët e shqiptarëve janë të pambrojtura dhe se ky është një alarm që PD-ja e ka ngritur ndër vite.

Sipas Alibeajt, ngjarje të tilla duhet të jenë kambanë alarmi për gjendjen në të cilën ndodhet aktualisht Policia e Shtetit.

Agjencia e Mbikëqyrjes Policore (AMP) ka ngritur dy grupe të posaçme hetimore për të zbardhur dy ngjarjet e rënda.

LEXONI GJITHASHTU

• AMP ngre dy grupe hetimore për ngjarjet ku u përfshinë punonjës të policisë
• Ekskluzive | Kush është autori i vrasjes së efektivit në komisariatin nr.3
• Efektivi i FNSH-së plagos në këmbë 55-vjeçarin