Alban Skënderaj përzgjidhet nga UNICEF si Ambasadori i Parë për Fëmijët në Shqipëri

Këngëtari shqiptar Alban Skënderaj është përzgjedhur nga UNICEF si Ambasadori i Parë Kombëtar për Fëmijët në Shqipëri.

Njoftimi u bë në prag të Ditës Botërore të Fëmijëve, që festohet çdo vit më 20 nëntor dhe që sivjet përkon dhe me 35 vjetorin e miratimit të Konventës për të Drejtat e Fëmijës.

Kjo përzgjedhje vjen pas shumë vizitash në terren me UNICEF-in ku ai vëzhgoi personalisht sfidat me të cilat përballen fëmijët shqiptar.

Gjatë fjalës së tij përshëndetëse, Alban Skënderaj u shpreh:

“Kam qenë vetëm 15 vjeç kur u largova për një jetë më të mirë në Itali. Barka që ishte vetëm për tetë vetë ishte e tejmbushur me 450 azilkërkues. Por tani jam kthyer në vendin tim ku kam gjetur sukses dhe jam lidhur përsëri me rrënjët e mia. Tani, po marr këtë rol të ri si Ambasador Kombëtar i UNICEF-it. Përgjegjësia ime më e madhe do të jetë të sjell zërin e fëmijëve në diskutimet që kanë ndikim tek ta. Pas vizitave të mia në terren, e kam të qartë që duhet të punojmë më shumë për çdo fëmijë në vend u mbusha me shpresë nga projektet e mbështetura nga UNICEF-i në Shqipëri”,-tha Alban Skënderaj.

“UNICEF është mjaft i gëzuar të mirëpresë Albanin, si Ambasadorin tonë të Parë Kombëtar. Është shumë e vërtetë që kemi nevojë për më shumë miq si Alban Skënderaj, të cilët do të na ndihmojnë me ndërgjegjësimin për çështjet e të drejtave të fëmijëve, përfshirë përparimin e të drejtës së çdo fëmije për zhvillim dhe arsim cilësor që në fëmijërinë e hershme. Së bashku me Albanin ndihemi më të fuqishëm, në ndërtimin e një të ardhmeje europiane dhe premtuese për fëmijët shqiptarë, pavarësisht sfidave”,-shpjegoi përfaqësuesi i UNICEF-it Murat Sahin.

LEXONI GJITHASHTU:

• UNICEF: Më shumë se 50 fëmijë janë vrarë në Liban vetëm 2 ditët e fundit
• “Ne nuk studiojmë më”, UNICEF: 45 mijë fëmijë në GAZA nuk do shkojnë në shkollë