Alban Zusi: Qeveria të ndryshojë prioritetet, të merret me problemin e energjisë dhe prodhimin vendas

Për kreun e Qendrës së Eksporteve Shqiptare nuk është faji i qeverisë për rritjen e çmimeve në vend, pasi kjo varet nga tregu ndërkombëtar, por është përgjegjësi e qeverisë që të fokusojë energjinë në industri që mund të përmirësojnë ekonominë në vend.

Në emisionin “Now”, Alban Zusi tha se qeveria duhet të ndryshojë prioritetet dhe të fokusohet në prodhimin e energjisë elektrike, si edhe në prodhimin e lëndëve të para blegtorale që të mos varet nga tregu ndërkombëtar.

“Qeveria duhet të heqë dorë nga “Make-Up”, të kthehet në prioritetet e industrisë, prodhimit të energjisë elektrike. Mund të zgjidhim problemin rritje së çmimit të ushqimit, që është problemi më i mprehtë. Është turp që të importojmë produkte blegtoralë nga jashtë”, u shpreh Alban Zusi.

Ai e cilësoi kaotike protestën e sotme për rritjen e çmimeve dhe tha se ky kaos është prodhuar nga deklarata e kryeminsitrit Rama i cili shprehu problemin e energjisë elektrike por nuk parashtroi një zgjidhje.