Kryeministri i Kosovës, Albin Kurti ka reaguar pasi policia ka shkatërruar dje 3 laboratorë ilegalë të drogës në veri të vendit.
Përmes një postimi në rrjetet sociale, Kurti e konsideroi aksionin e policisë një fitore për sundimin e ligjit.
Kurti paralajmëroi se bandat kriminale serbe në veri, mund të ngrejnë përsëri barrikada dhe të kenë sulme drejt Policisë, por do dështojnë.
”Policia e Kosovës ka shkatërruar dje 3 laboratorë ilegalë të drogës në veri të Kosovës, një fitore e qartë për sundimin e ligjit. Bandat kriminale të sponsorizuara nga Serbia nuk do të ndalen para asgjëje – duke përfshirë barrikadat e armatosura dhe sulmet e dhunshme ndaj policisë – për të mbrojtur ndërmarrjet e tyre të paligjshme. Ata do të dështojnë”, theksoi ai.
Kosova Police destroyed 3 illegal drug labs in the north of Kosova yesterday, a clear victory for rule of law. Criminal gangs sponsored by Serbia will stop at nothing—including armed barricades and violent attacks on Police—to protect their illegal enterprises. They will fail. pic.twitter.com/0ntal9SDTd
— Albin Kurti (@albinkurti) February 13, 2023
